ХДХВ/ДОХ/БЗДХ – аас сэргийлэх үйл ажиллагааг дэмжих  зорилгоор Хан-Уул дүүргийн Албан бус-Насан туршийн боловсрол төвөөс  12 сарын 01 буюу ХДХВ/ДОХ-ын эсрэг дэлхийн өдрийг тохиолдуулан “Бид ирээдүйн эрүүл иргэн” сэдэвт өртөөчилсөн сургалт өдөрлөгийг /2017.11.30/ өдөр ЕБ-ийн 26,59,114,118-р сургуулийн ахлах ангийн сурагчдын дунд зохион байгууллаа.

Энэхүү ажлын хүрээнд Албан бус-Насан туршийн боловсролын төв нь хуваарийн дагуу багш С.Анхтуяа, Н.Насанжаргал, М.Даваасүрэн, М.Чанцалдулам нар байгууллагын танилцуулга 150 ширхэг, гоо зүйн мэдрэмж, гэр бүл, ёс суртахуун төлөвшил, үсчин, гоо сайхан, компьютер, англи хэлний сургалтуудын 50 ширхэг зарыг хүргэж мэргэжлийн сургалтуудад бүртгэл хийж ажиллалаа. 

Албан бус-Насан туршийн боловсролын төв нь Боловсролын хэлтэс, 75-р сургуультай хамтран Нийслэл хот үүссэн байгуулагдсан 378 жилийн ойн өдрийг тохиолдуулан “Чадварлаг багш” компьютерийн ур чадварын тэмцээнийг 3 дахь жилдээ амжилттай зохион байгууллаа.